Սլովակիայի զինված ուժերի հրամանատարն այցով Վրաստանում է: Գեներալ Դանիել Զմեկոյին հյուրընկալել է Վրաստանի պաշտպանության ուժերի հրամանատար, գեներալ-մայոր Գիորգի Մաթիաշվիլին։ Դիմավորման պաշտոնական արարողությունը կայացել է ՊԲ գլխավոր շտաբում։

Արարողությունից հետո գործընկերները քննարկել են երկկողմ համագործակցության զարգացման հարցեր։ Գեներալ-մայոր Գիորգի Մաթիաշվիլին շնորհակալություն է հայտնել գեներալ Դանիել Զմեկոյին՝ Սլովակիայից Վրաստանի տարածքային ամբողջականությանն ու ինքնիշխանությանը ցուցաբերած ամուր աջակցության համար։

Հանդիպմանը կողմերը քննարկել են տարածաշրջանային և գլոբալ անվտանգության մարտահրավերները։ Պաշտպանության ուժերի հրամանատարն իր սլովակ գործընկերոջը ներկայացրել է Վրաստանի պաշտպանական ուժերում իրականացված բարեփոխումները։ Ուշադրություն է դարձվել պաշտպանության ոլորտում երկրների համագործակցության արդի և ապագա ծրագրերին, այդ թվում։

Այցի շրջանակներում Սլովակիայի զինված ուժերի հրամանատարը ծաղկեպսակ է դրել Հերոսների հրապարակում Վրաստանի տարածքային ամբողջականության համար զոհված հերոսների հուշակոթողին։

Տեղեկությունը տարածում է Վրաստանի պաշտպանության նախարարության մամուլի ծառայությունը։