Վրաստանի պաշտպանության նախարարությունը կմիանա Արևմտյան Եվրոպայում լայնածավալ կիբեր վարժանքներին
Վրաստանի պաշտպանության նախարարության Կիբերանվտանգության բյուրոյի թիմն առաջին անգամ կմասնակցի բրիտանական բանակի կողմից կազմակերպված Defense Cyber Marvell 2 կիբեր վարժանքներին։
Վրաստանի պաշտպանության նախարարության տեղեկատվության համաձայն՝ զորավարժությունը նախատեսում է իրական ժամանակում կրիտիկական ենթակառուցվածքների և տեղեկատվական համակարգերի վրա կիբերհարձակումների մոդելավորում և նպատակ ունի զարգացնել մասնակից թիմերի կիբերպաշտպանական կարողությունները։
«Փետրվարին ծրագրված զորավարժությունները Վրաստանի Պաշտպանության նախարարության և բրիտանական կողմի արդյունավետ համագործակցության արդյունքն են, ինչը կօգնի ամրապնդել Վրաստանի պաշտպանության նախարարության կիբեր կարողությունները։
Կիբերանվտանգության բյուրոն իր գործընկերների հետ սերտ համագործակցությամբ նպաստում է պաշտպանության ոլորտում կիբերանվտանգության կայուն համակարգի ստեղծմանը և այդ առումով ՆԱՏՕ-ի և Եվրամիության չափանիշներին համապատասխանությանը: Բյուրոյի մասնակցությունը տեխնիկական անձնակազմի կարողությունների աճին ուղղված միջոցառումներին կշարունակվի նաև ապագայում»,-ասել են Վրաստանի պաշտպանության նախարարությունից։