Վրաստանի օդանավակայանների միավորումը «Գեմո Ֆեստ»-ի կապակցությամբ նշանակում է լրացուցիչ ավիաթռիչք Ամբրոլաուրիի ուղղությամբ։ Տեղեկությունը տարածել է օդանավակայանների միավորումը։

Ամբրոլաուրին օգոստոսի 29-30-ին արդեն երկրորդ անգամ կհյուրընկալի գաստրոնոմիական փառատոն։ «Գեմო Ֆեստ»-ի կապակցությամբ Վրաստանի օդանավակայանների միավորումը նշանակել է լրացուցիչ թռիչք դեպի Ամբրոլաուրի՝ օգոստոսի 28-ին։

Լրացուցիչ ավիաթռիչքը Նատախտարից դեպի Ամբրոլաուրիի տեղական նշանակության օդանավակայան և հակառակ ուղղությամբ կիրականացվի հետևյալ ժամանակացույցով․

• 28 օգոստոս․ Նատախտարի – Ամբրոլաուրի, մեկնում՝ 15:45

• 28 օգոստոս․ Ամբրոլաուրի – Նատախտարի, մեկնում՝ 17:00

Ներկա փուլում Նատախտարի – Ամբրոլաուրի և հակառակ ուղղությամբ թռիչքները իրականացվում են շաբաթական երեք հաճախականությամբ։

Նշենք, որ Նատախտարի – Ամբրոլաուրի թռիչքի արժեքը կազմում է 50 լարի։ 0-3 տարեկան երեխաների համար թռիչքը անվճար է, իսկ 3-12 տարեկան երեխաների համար գործում է 30% զեղչ», – ասված է օդանավակայանների միավորման հաղորդագրությունում։