Վրաստանի ներքին գործերի նախարարը հանդիպում է ունեցել Վրաստանում Թուրքիայի Հանրապետության արտակարգ և լիազոր դեսպան Ալի Քաան Օրբայի հետ։

Ներքին գործերի նախարարության հաղորդմամբ՝ կողմերը քննարկել են Վրաստանի և Թուրքիայի Հանրապետության միջև ռազմավարական գործընկերության խորացման և երկկողմ սերտ համագործակցության հարցերը։

«Դրանց թվում ուշադրություն է դարձվել Վրաստանի և Թուրքիայի Հանրապետության իրավապահ մարմինների միջև արդյունավետ գործընկերային հարաբերությունների կարևորությանը։

Վրաստանի ներքին գործերի նախարար Գելա Գելաձեն նշել է, որ վրացական կողմը հատկապես գնահատում է թուրքական կողմի մշտական ​​աջակցությունը Վրաստանի ներքին գործերի նախարարությանը և հույս է հայտնել, որ համատեղ ջանքերի շնորհիվ առկա հարաբերությունները կշարունակեն ամրապնդվել։ Հանդիպմանը նաև անդրադարձ է եղել Հարավային Կովկասում ընթացող գործընթացներին և Վրաստանի ու Թուրքիայի դերին տարածաշրջանում կայունության և խաղաղության խթանման գործում», – նշվում է նախարարության հաղորդագրության մեջ։