Վրաստանի ներքին գործերի նախարար Գելա Գելաձեն պաշտոնական այցով կայցելի Հայաստան
Վրաստանի ներքին գործերի նախարար Գելա Գելաձեն պաշտոնական այցով կայցելի Հայաստանի Հանրապետություն։ Այս մասին հայտնում է Վրաստանի ներքին գործերի նախարարությունը։
Նախարարության հաղորդմամբ, այցի շրջանակներում նախարարը հանդիպումներ կունենա Հայաստանի Հանրապետության վարչապետ Նիկոլ Փաշինյանի և Հայաստանի Հանրապետության ներքին գործերի նախարար Արփինե Սարգսյանի հետ։
Կողմերը կքննարկեն երկու երկրների իրավապահ մարմինների միջև համագործակցության խորացման հարցեր։ Զրույցի ընթացքում կանդրադառնա նաև Հարավային Կովկասի տարածաշրջանում խաղաղության և կայունության կարևորությանը։