Վրաստանի նախագահական պալատում տեղի է ունեցել ՀՀ նախագահ Վահագն Խաչատուրյանի դիմավորման պաշտոնական արարողությունը: Հայ գործընկերոջը ընդունել է Վրաստանի նախագահ Միխեիլ Ղավելաշվիլին: Կատարվել են Հայաստանի և Վրաստանի պետական օրհներգերը։
Նախագահները միմյանց են ներկայացրել իրենց պատվիրակությունները։
Դիմավորման արարողությունից հետո Վրաստանի և Հայաստանի նախագահները կհանդիպեն: Նախատեսվում է նաև Վրաստանի և Հայաստանի նախագահներ Միխեիլ Ղավելաշվիլիի և Վահագն Խաչատրյանի համատեղ մամուլի ասուլիսը։
ՀՀ նախագահը Վրաստան է այցելել պատվիրակությամբ, որի կազմում են՝ ՀՀ արտաքին գործերի փոխնախարար Վահան Կոստանյանը, էկոնոմիկայի նախարար Գևորգ Պապոյանը և փոխնախարար Արման Խոժոյանը, Վրաստանում ՀՀ արտակարգ և լիազոր դեսպան Աշոտ Սմբատյանը, ՀՀ նախագահի աշխատակազմի ղեկավար Խաչատուր Պողոսյանը և Ազգային ժողովի պատգամավոր Շիրակ Թորոսյանը։
