Վրաստանի քաղաքացիները Եվրամիության հետ անայցագրային ռեժիմից օգտվել են 250 հազար անգամ
13:12, 27.03.2018
Վրաստանի արտաքին գործերի նախարարի տեղակալ Վախտանգ Մախարոբլիշվիլու հայտարարությամբ, Վրաստանի քաղաքացիները Եվրամիության հետ անայցագրային ռեժիմից օգտվել են 250 հազար անգամ:
Ինչպես հայտարարել է Վախտանգ Մախարոբլիշվիլին Եվրոպայի հետ ինտեգրման և արտաքին հարաբերությունների կոմիտեի միավորված նիստին, վաղը մեկ տարի է լրանում այն օրից, երբ Վրաստանի քաղաքացիների համար Շենգեն գոտու երկրներ առանց վիզա ուղևորվելու հնարավորությունը մտել է ուժի մեջ:
Նրա խոսքով, այն բանից հետո, երբ գործարկվել է անայցագրային ռեժիմը, Վրաստանի իշխանությունը շարունակել է պարտականությունների կատարումը, որն ստանձնել է վիզայի ազատականացման գործողությունների պլանի համաձայն:
Նախարարի հայտարարությամբ, Վրաստանի առջև չկա անայցագրային ռեժիմի կասեցման մեխանիզմի գործարկման վտանգ:
