Վրաստանի կառավարության վարչությունում հաստատում են Արչիլ Ջափարիձեի հրաժարականի մասին լուրը
Ռաճա-Լեչխումիի և Քվեմո Սվանեթիի նահանգապետ Արչիլ Ջափարիձեն դիմումի հիման վրա հրաժարական է տվել:
Տեղեկությունն այս մասին հաստատում են Վրաստանի կառավարության վարչությունում:
Նրանց փոխանցմամբ, Ջափարիձեն հրաժարականի վերաբերյալ համապատասխան դիմումը կառավարությանը ներկայացրել էր այսօր:
Ջափարիձեն Ռաճա-Լեչխումիի և Քվեմո Սվանեթիի նահանգապետ էր նշանակվել 2017 թվականի օգոստոսի 24-ին: Ջափարիձեն 2014-2017 թվականներին աշխատում էր նույն շրջանի նահանգապետի առաջին տեղակալի պաշտոնում: