Վրաստանի արտաքին գործերի նախարարությունը հայտարարություն է տարածել Ժնևի միջազգային բանակցությունների 63-րդ փուլի վերաբերյալ։

Գերատեսչության հաղորդմամբ, վրացական պատվիրակությունը կենտրոնացել է Ժնևի բանակցությունների օրակարգի հիմնական հարցերի վրա, ինչպիսիք են՝ Ռուսաստանի կողմից հրադադարի համաձայնագրով ստանձնած պարտավորությունների լիարժեք կատարման անհրաժեշտությունը և օկուպացված տարածքներից ներքին տեղահանվածների և փախստականների արժանապատիվ վերադարձն իրենց տներ։

«2025 թվականի մարտի 4-5-ը կայացել է Ժնևի միջազգային բանակցությունների 63-րդ փուլը, որտեղ վրացական պատվիրակությունը գլխավորել է արտաքին գործերի փոխնախարար Լաշա Դարսալիան։

Բանակցությունների ընթացքում վրացական պատվիրակությունը կենտրոնացել է Ժնևի միջազգային բանակցությունների օրակարգի հիմնական հարցերի վրա, ինչպիսիք են 2008 թվականի օգոստոսի 12-ին Եվրամիության միջնորդությամբ ստորագրված հրադադարի համաձայնագրով Ռուսաստանի կողմից ստանձնած իր միջազգային պարտավորությունների լիարժեք կատարման անհրաժեշտությունը և օկուպացված տարածքներից ներքին տեղահանվածների և փախստականների անվտանգ և արժանապատիվ վերադարձը իրենց տներ:

Ընդգծվել է նաև Գալիում առանց որևէ նախապայմանի Միջադեպերի կանխարգելման և արձագանքման մեխանիզմի (IPRM) վերականգնման և Գալիում և Էրգնեթիում նշված մեխանիզմի կանոնավոր իրականացումը հիմնարար սկզբունքներին համապատասխան։

63-րդ փուլի շրջանակներում վրացական պատվիրակությունը մտահոգություն է հայտնել օկուպացված շրջաններում անվտանգության, հումանիտար և մարդու իրավունքների ծայրահեղ ծանր իրավիճակի, շարունակվող անօրինական ռազմականացման և այդ համատեքստում Օչամչիրեում ռուսական անօրինական ռազմածովային բազայի կառուցման և Սուխումի օդանավակայանի շահագործման վերաբերյալ։ Վրացական կողմը նաև դատապարտել է այսպես կոչված նախագահական ընտրությունները Վրաստանի օկուպացված Աբխազիայի շրջանում և Ռուսաստանի նախագահի այսօրվա հանդիպումը օկուպացիոն ռեժիմի ղեկավարի հետ, որոնք ներկայացնում են հետագա անեքսիայի ուղղությամբ և կոպտորեն խախտում են Վրաստանի ինքնիշխանությունն ու տարածքային ամբողջականությունը միջազգայնորեն ճանաչված սահմաններում։

Ռուսաստանի և օկուպացիոն վարչակարգերի ներկայացուցիչները, ինչպես սովորական պրակտիկա է, լքեցին բանակցային սեղանը օրակարգի հիմնական հարցերից մեկի շուրջ, որը վերաբերում էր օկուպացված տարածքներից ներքին տեղահանվածների և փախստականների իրենց տներ վերադարձին։

Ժնևի միջազգային բանակցությունները հիմնված են 2008 թվականի օգոստոսի 12-ին Եվրամիության միջնորդությամբ ձեռք բերված հրադադարի համաձայնագրի վրա, և դրանց հիմնական հարցերն են՝ հրադադարի համաձայնագրի իրականացումը, ներքին տեղահանվածների և փախստականների անվտանգ և արժանապատիվ վերադարձն իրենց տներ, ինչպես նաև ռուսական օկուպացիայի կողմից ստեղծված անվտանգության և հումանիտար խնդիրները:

Բանակցություններն ընթանում են Եվրամիության, ՄԱԿ-ի և ԵԱՀԿ-ի համանախագահությամբ, Վրաստանի, Ռուսաստանի Դաշնության և ԱՄՆ-ի մասնակցությամբ։ Աշխատանքային խմբի հանդիպումներին մասնակցում են նաև Աբխազիայի Ինքնավար Հանրապետության կառավարության նախագահը և նախկին Հարավային Օսիայի Ինքնավար Մարզի տարածքում ժամանակավոր վարչատարածքային միավորի վարչակազմի ղեկավարը, ինչպես նաև Ցխինվալի և Սուխումի ռուսական օկուպացիոն ռեժիմի ներկայացուցիչները»,- ասված է Վրաստանի ԱԳ նախարարության հաղորդագրության մեջ։