Եվրոպայի խորհրդի նախարարական նիստի շրջանակում Վրաստանի արդարադատության նախարար Պաատա Սալիան հանդիպել է իր թուրք գործընկեր Յılmaz Թունչին։ Այս մասին հաղորդում է Վրաստանի արդարադատության նախարարությունը։

Նախարարության տվյալներով՝ Մալթայում կայացած Եվրոպայի խորհրդի արդարադատության նախարարների համաժողովի շրջանակում անցկացված հանդիպման ընթացքում նախարարները քննարկել են Վրաստանի և Թուրքիայի Հանրապետության միջև երկկողմ համագործակցության հարցերը։

«Քննարկվել է կազմակերպված տրանսազգային հանցավորության դեմ պայքարի և այս ոլորտում միջազգային քրեական իրավական համագործակցության թեման։

Հանդիպման ավարտին կողմերը համաձայնության են եկել առկա համագործակցությունը հետագայում էլ ավելի խորացնելու վերաբերյալ», – ասված է արդարադատության նախարարության հաղորդագրությունում։