Ձյուդո | Վրաստանը հաղթեց Ֆրանսիային և դուրս եկավ Եվրոպայի թիմային առաջնության եզրափակիչ #1TVSPORT
Սերբիայի մայրաքաղաք Բելգրադում կայացած Եվրոպայի ձյուդոյի առաջնությունում Վրաստանի հավաքականը խառը թիմային պայքարում կիսաեզրափակչում 4:3 հաշվով հաղթեց Ֆրանսիային և անցավ մրցաշարի եզրափակիչ։
Վրաստանի հավաքականից հաղթանակ տարան Լուկա Մայսուրաձեն (90 կգ), Իրակլի Դեմետրաշվիլին (+90 կգ), Էթեր Լիպարտելիանին (57 կգ) և Լաշա Շավդաթուաշվիլին (73 կգ)։ Շավդատուաշվիլին մրցակցին հաղթեց լրացուցիչ ժամանակում («ոսկե միավոր»)։
Սոֆիո Սոմխիշվիլիի (+78 կգ) վնասվածքի պատճառով Վրաստանի հավաքականը Ֆրանսիայի դեմ խաղը սկսեց 0:1 հաշվով։
Վրաստանի հավաքականը մայրցամաքային առաջնության եզրափակչում կմրցի Ռուսաստանի հետ։
Հիշեցնենք, որ Վրաստանի հավաքականը Եվրոպայի գործող չեմպիոնն է։