Վրաստանը ճանաչվել է, որպես ամենահաջող երկիր Եվրամիությանը ինտեգրման ճանապարհին. Մամուկա Բախտաձե
Այսօր պատմական օր է, Վրաստանը ճանաչվել է, որպես ամենահաջող երկիր Եվրամիությանը ինտեգրման ճանապարհին, համապատասխանաբար մեր եվրոպացի գործընկերները հենց Վրաստանին են առաջարկել այդ եզակի պլատֆորմը,-այսպես է գնահատել Վրաստանի վարչապետ Մամուկա Բախտաձեն բրյուսել կատարած այցի շրջանակներում բարձրաստիճան հանդիպումները:
Վարչապետը նշել է, որ բարձրակարգ ձևաչափի առաջին հանդիպմանը, որին նախագահ Յունկերից բացի ներկա էին բոլոր հանձնակատարները, մեկ անգամ ևս վերլուծվել է, թե ինչ պետք է արվի բոլոր ուղղություններով, որպեսզի Վրաստանը էլ ավելի մոտենա Եվրոպային:
«Մենք ստացել ենք շատ կարևոր արդյունքներ: Ստանալու ենք լուրջ օգնություն, որի շնորհիվ Վրաստանը կմեծացնի իր արտահանումը Եվրոպական շուկա: Սա վերաբերում է փոքր և միջին բիզնեսին: Շատ կարևոր քայլ էր այն տեսանկյունից, հատկապես, որ մենք մեր նպատակն ենք համարում աղքատության հաղթահարումը»,-հայտարարել է Մամուկա Բախտաձեն:
Բացի այդ, ինչպես նշել է վարչապետը քննարկվել են այն հնարավորությունները, որ Վրաստանը ստանա հավելյալ օգնություն, սոցիալական քաղաքականության բարելավման ուղղությամբ և այդ տեսանկյունից եվրոպան լինելու է Վրաստանի կողքին: