Վրաստանը որպես հյուրընկալող երկիր կներկայացվի ITB Berlin 2023 միջազգային զբոսաշրջության ցուցահանդեսին։ Վրաստանի էկոնոմիկայի և կայուն զարգացման նախարարը, iTB Berlin-ի ցուցահանդեսի տնօրենը և Զբոսաշրջության ազգային վարչության ղեկավարի պաշտոնակատարը համագործակցության հուշագիր են ստորագրել զբոսաշրջության ոլորտում խոշորագույն միջազգային ցուցահանդեսներից մեկի հետ։

Միջոցառմանը ողջույնի խոսքով հանդես եկավ Վրաստանում Գերմանիայի Դաշնային Հանրապետության դեսպան Հուբերտ Կնիրշը։

ITB Berlin-ը աշխարհի առաջատար զբոսաշրջային առևտրային ցուցահանդեսն է 1966 թվականից: Մինչ համավարակը ամեն տարի ցուցահանդեսին ներկայացված էին ավելի քան 10,000 ընկերություններ 181 երկրներից: Զբոսաշրջության միջազգային տոնավաճառ է այցելել ավելի քան 160 հազար այցելու, այդ թվում՝ 113 հազար 500 գործարար այցելու: