Վրաստանի էկոնոմիկայի և կայուն զարգացման նախարար Նաթիա Թուրնավան հանդիպել է Տաջիկստանի Հանրապետության տրանսպորտի նախարար Ազիմ Իբրահիմի հետ:

Ըստ էկոնոմիկայի նախարարության, հանդիպման շրջանակներում ստորագրվել է «Վրաստանի կառավարության և Տաջիկստանի Հանրապետության կառավարության միջև միջազգային ճանապարհային երթևեկության մասին» համաձայնագիրը:

«Համաձայնագրի ստորագրումը կնպաստի կողմերի միջև ճանապարհային երթևեկության և փոխշահավետ տնտեսական համագործակցության հետագա զարգացմանը: Փաստաթուղթը նախատեսում է ապրանքների փոխադրում երկկողմ, տարանցիկ կամ քվոտաներով թույլատրված երրորդ երկրների ուղղությամբ / երկրներ, որոնց քանակը կողմերը տարեկան որոշում են համաձայնագրի հիման վրա: Համաձայնագիրը նախատեսում է նաև կողմերի միջև ճանապարհային տրանսպորտի փոխադրմանը վերաբերող իրավական հարցերի կարգավորում, ինչը կօգնի երկու երկրների փոխադրողներին իրենց գործունեության ընթացքում», – հայտարարում են էկոնոմիկայի նախարարությունում:

Գերատեսչության տվյալներով, Տաջիկստանի Հանրապետության հետ մինչ այժմ ճանապարհային երթևեկի վերաբերյալ միջկառավարական համաձայնագիր չի կնքվել, բայց ճանապարհային երթևեկության ուշացումներից խուսափելու համար Վրաստանի և Տաջիկստանի Հանրապետության համապատասխան գերատեսչությունների միջև փոխանակվել են միջազգային ճանապարհային բեռնափոխադրումների թույլտվություններ:

«Այսօրվանից այդ համագործակցությունը կամրապնդվի պաշտոնական համաձայնագրով, որը կնպաստի երկու երկրների առևտրատնտեսական համագործակցության զարգացմանը», – հայտարարում են էկոնոմիկայի նախարարությունում: