Այսօր առաջին գործնական այցով Վրաստան է ժամանելու Գվատեմալայի Հանրապետության արտաքին գործերի նախարար Սանդրա Խովել Պլանկոն:
Վրաստանի արտաքին գերատեսչության տեղեկությամբ, այցի շրջանակներում նախարարը հանդիպումներ է ունենալու Վրաստանի օրենսդրական և գործադիր իշխանության ներկայացուցիչների հետ: Մասնավորապես, Գվատեմալայի արտաքին գործերի նախարարին արտաքին գերատեսչությունում ընդունելու է վրաց գործընկեր Դավիթ Զալկալիանին:
Գվատեմալայի առաջին դիվանագետը հանդիպումներ է անցկացնելու Վրաստանի խորհրդարանի արտաքին հարաբերությունների կոմիտեի նախագահի և Գվատեմալայի Հանրապետության խորհրդարանի հետ բարեկամության խմբի ղեկավար Սոփո Քացարավայի, ինչպես նաև՝ արդարադատության նախարար Թեա Ծուլուկիանիի հետ:
Այցի շրջանակներում Գվատեմալայի արտաքին գործերի նախարարը հարգելու է Վրաստանի միասնության համար զոհված հերոսների հիշատակը: