Վրացի զինվորները միջազգային մրցույթում ոսկե մեդալներ են նվաճել

Վրաստանի պաշտպանության ուժերի հատուկ գործողությունների հրամանատարության զինծառայողները Մեծ Բրիտանիայից վերադարձել են ոսկե մեդալներով։ Վրացի զինվորականները հաջողությամբ մասնակցել են Ուելսում անցկացված Cambrian Patrol 2024 ռազմական մրցույթին և լավագույն արդյունքը ցույց են տվել 35 երկրների շարքում։

Թբիլիսիի միջազգային օդանավակայանում զինվորականներին դիմավորել են Հատուկ պաշտպանության օպերացիաների հրամանատար, գնդապետ Թեյմուրազ Կլատեիշվիլին և Հատուկ գործողությունների հրամանատարության ներկայացուցիչներ։ Նրանք շնորհավորել են  և հաջողություն մաղթել։

Բրիտանական բանակի կողմից կազմակերպված Քեմբրիական պարեկային զորավարժությունները կանոնավոր կերպով անցկացվում են 1959 թվականից։ Դրա նպատակն է մեծացնել հետախուզական ստորաբաժանումների օպերատիվ հնարավորությունները։ Քեմբրիական պարեկային զորավարժությունները հայտնի են որպես զորամասերի դիմացկունության ամենադժվար թեստ։ Ամենամյա զորավարժությունը ղեկավարում է Ուելսի 160-րդ հետևակային բրիգադը։

Տեղեկությունը տարածում է Վրաստանի պաշտպանության նախարարության մամուլի ծառայությունը։