«Վրացական երազանքը» վաղը առաջադրելու է վարչապետի թեկնածու
«Վրացական երազանքը» վաղը առաջադրելու է վարչապետի թեկնածու

«Վրացական երազանքը» վաղը վարչապետի թեկնածու է առաջադրելու, – ճեպազրույցում ասաց «Վրացական երազանք» կուսակցության նախագահ Իրակլի Կոբախիձեն:

«Ակնկալվում է, որ վաղը կգումարվի քաղաքական խորհուրդը, եւ կառաջադրվի վարչապետի թեկնածու: Վաղը որոշում կկայացվի», – նշել է Կոբախիձեն:

Այսօր հրաժարական տվեց Վրաստանի վարչապետ Գիորգի Գախարիան: Այդ մասին Գիորգի Գախարիան հայտարարել է կառավարության վարչությունում կայացած հատուկ ճեպազրույցում:

«Երեկ Նիկա Մելիայի համար դատարանը խափանման միջոց է ընտրել կալանքը: Սա մի մարդ է, որը երբևէ մեծապես չի հարգել վրացական օրենսդրությունը, և սա մի մարդ է, ով կոչ է արել մեր քաղաքացիներին հունիսի 20-ին գրոհել խորհրդարան և եղել է խորհրդարան ներխուժման կազմակերպիչներից մեկը: Բայց չնայած ամեն ինչին, իմ բացարձակ անսասան դիրքորոշումն այն է, որ մեկ անձի նկատմամբ անընդունելի է նույնիսկ օրինական արդարադատությամբ սահմանված միջոց կիրառելը, եթե դա վտանգի տակ է դնում առհասարակ երկրում մեր քաղաքացիների առողջությունը, կյանքը կամ քաղաքական սրումը: Այսօր, հատկապես, երբ մեր երկրում առկա քաղաքական լարվածությունն ու բևեռացումը ռիսկեր են ստեղծում երկրի սահմաններից դուրս զարգանալու և երկրի անվտանգության և ապագայի համար: Մինչ մենք, բոլորս, մեր քաղաքացիների հետ միասին պայքարում ենք համաշխարհային համաճարակի, տնտեսական ճգնաժամի, տարածաշրջանային մարտահրավերների և, որ ամենակարևորն է, մեր երեխաներին ավելի լավ ապագա տալու համար, նման իրադարձություն պետք է տեղի ունենա միայն այն դեպքում, երբ ապահովագրված կլինեն առկա են բոլոր ռիսկերը: Ուստի, ելնելով այն փաստից, որ ես, ցավոք, չկարողացա ընդհանուր կարծիքի հասնել իմ թիմի հետ այս հարցում, ես որոշեցի հրաժարվել իմ պաշտոնից: Իհարկե, ես հավատում եմ և ուզում եմ հավատալ, որ այս քայլը կօգնի նվազեցնել բևեռացումը մեր երկրի քաղաքական տարածքում, քանի որ ես համոզված եմ, որ բևեռացումը և առճակատումը մեր երկրի հետագա տնտեսական զարգացման և բոլոր տիպի ճգնաժամերը հաղթահարելու ամենամեծ ռիսկն է», – ասաց Գիորգի Գախարիան: