Վրաստանի պաշտպանության նախարար Ջուանշեր Բուրճուլաձեն ուսումնասիրել է վրաց-լեհական «Delta-Webe» ընկերության անօդաչու թռչող սարքերի գործարանի շինարարությունը։

Ջուանշեր Բուրճուլաձեն նշել է, որ ձեռնարկությունը մոտ ապագայում կկարողանա թողարկել վրացական արտադրության անօդաչու թռչող սարքեր։

Վրաց-լեհական «Delta-Webe» ընկերությունը ստեղծվել է «Delta International» ՍՊԸ-ի և լեհական «Webe Electronics» ընկերության միջև կնքված պայմանագրի հիման վրա։ Նշված ձեռնարկությունում վրացի և լեհ մասնագետները համատեղ կաշխատեն անօդաչու թռչող սարքերի արտադրության թեմայով։

Ռազմարդյունաբերությունը զարգացնելու նպատակով «Delta-Webe» ՍՊԸ-ի և Վրաստանի պաշտպանության նախարարության միջև կնքվել է պայմանագիր, որը նախատեսում է տարածաշրջանում բացել առաջին անօդաչու թռչող սարքերի ուսումնական կենտրոնը։ Կենտրոնի պրոֆեսիոնալ հրահանգիչները կվերապատրաստեն ՊԲ համապատասխան անձնակազմին։

«Դելտա» գիտատեխնիկական կենտրոնում Ջուանշեր Բուրճուլաձեի կենտրոնի ղեկավար, բրիգադի գեներալ Իոսեբ Լոլաձեն ներկայացրել է ռազմարդյունաբերության այլ կարևոր ուղղություններ։

Պաշտպանության նախարարի հետ «Դելտայում» ներկա են եղել փոխնախարարներ Դավիթ Ճիճինաձեն և Գիորգի Խաինդրավան, ինչպես նաև այլ պաշտոնյաներ։

Տեղեկությունը տարածում է Վրաստանի պաշտպանության նախարարության մամուլի ծառայությունը։