ՆԳ նախարարության Թբիլիսիի ոստիկանության դեպարտամենտի աշխատակիցները ձերբակալել են 1968 թվականին ծնված Մ.Բ.-ին՝ կանխամտածված սպանության և հրազենի ապօրինի ձեռքբերման, պահպանման և կրելու մեղադրանքով։

ՆԳՆ-ի հաղորդմամբ, քննությամբ պարզվել է, որ Թբիլիսիում, Զուրաբ Ավալիշվիլի փողոցի մոտակայքում մեղադրյալը, նախկինում ունեցած կոնֆլիկտի հիման վրա, հրազենով մահացու վիրավորել է 1975 թվականին ծնված Մ.Բ.-ին և փախել դեպքի վայրից։

Թեժ հետապնդման արդյունքում իրավապահ մարմինները Սամեգրելոյի շրջանում ձերբակալել են սպանության մեջ մեղադրվող Մ.Բ.-ին դեպքից մի քանի ժամ անց։

Հանցագործությունը կատարելու համար օգտագործված զենքը առգրավվել է որպես ապացույց։

Ձերբակալվածի անձնական խուզարկության ժամանակ ոստիկանությունը նաև առգրավել է 25 հաբ, որը պարունակում էր «Մեթադոն» թմրանյութ։

Հետաքննությունը շարունակվում է Քրեական օրենսգրքի 108-րդ, 236-րդ և 260-րդ հոդվածներով, որոնք նախատեսում են մինչև 15 տարի ազատազրկում։