Օպերատիվ միջոցառումների և քննչական գործողությունների արդյունքում ՆԳՆ Շիդա Քարթլիի ոստիկանության դեպարտամենտի աշխատակիցները ձերբակալել են 1975 թվականին ծնված Ս.Ա.-ին՝ երկու կամ ավելի անձանց նկատմամբ ծանրացուցիչ հանգամանքներում կատարված դիտավորյալ սպանության փորձի մեղադրանքով։ Նրան ձերբակալել են թեժ հետապնդման միջոցով, հայտնել է Վրաստանի Ներքին գործերի նախարարությունը։

Գերատեսչության հաղորդմամբ,  հանցագործությունը պատժվում է մինչև 20 տարի կամ ցմահ ազատազրկմամբ։

«Քննությունը պարզել է, որ մեղադրյալը, փոխադարձ վեճի հիման վրա, Գորիում հրազենով կրակել է երկու անձի՝ հոր և որդու վրա՝ պատճառելով մի քանի վերք։ Ստացված վնասվածքների հետևանքով 1993 թվականին ծնված Գ.Ց.-ն տեղում մահացել է, իսկ 1970 թվականին ծնված Դ.Ց.-ն տեղափոխվել է բժշկական հաստատություն»։

Ձեռնարկված քննչական գործողությունների արդյունքում իրավապահ մարմինների աշխատակիցները դեպքի վայրում ձերբակալել են մեղադրյալին։

«Հետաքննությունը շարունակվում է Քրեական օրենսգրքի 19-109-րդ հոդվածի «Լ» ենթաբաժնի համաձայն», – ասվում է ՆԳՆ հաղորդագրության մեջ։