ՆԳ նախարարության Աջարիայի ոստիկանության դեպարտամենտի Բաթումի քաղաքային բաժնի աշխատակիցները ձերբակալել են Թուրքիայի Հանրապետության քաղաքացիների՝ 1998 թվականին ծնված Ա.Չ.-ին և 1988 թվականին ծնված Է. Ս.-ին՝ առանձնապես մեծ քանակությամբ հոգեմետ նյութերի ապօրինի ձեռքբերման և պահպանման մեղադրանքով։ Այս մասին հայտնում է ՆԳ նախարարությունը:

Ըստ գերատեսչության՝ հանցագործությունը պատժվում է մինչև 12 տարի ազատազրկմամբ։

«Իրավապահ մարմինների աշխատակիցները կանգնեցրել են մեղադրյալներին, երբ նրանք մեքենա էին վարում Թբիլիսի-Սենակի-Լեսելիձե մայրուղով: Նրանց անձնական իրերի և տրանսպորտային միջոցների խուզարկության արդյունքում ոստիկանությունը որպես ապացույց առգրավել է «Պրեգաբալին» հոգեմետ նյութ պարունակող առանձնապես մեծ քանակությամբ պարկուճներ: Հետաքննությունը շարունակվում է Քրեական օրենսգրքի 261-րդ հոդվածի համաձայն», – ասվում է ՆԳ նախարարության հայտարարության մեջ։