Տարբեր ժամանակներում իրականացված օպերատիվ միջոցառումների և քննչական գործողությունների արդյունքում ՆԳՆ Աջարիայի ոստիկանության դեպարտամենտի աշխատակիցները ձերբակալել են երկու օտարերկրյա քաղաքացիների՝ 2007 թվականին ծնված Ա.Բ.-ին և 1999 թվականին ծնված Ա.Ս.-ին՝ առանձնապես մեծ քանակությամբ թմրամիջոցների ապօրինի ձեռքբերմանը, պահպանմանը և վաճառքին նպաստելու մեղադրանքով։

ՆԳՆ-ի տվյալներով՝ մեղադրյալների անձնական խուզարկության ժամանակ իրավապահ մարմինների աշխատակիցները տարբեր վայրերից որպես ապացույց առգրավել են նաև վաճառքի համար պատրաստված առանձնապես մեծ քանակությամբ թմրամիջոցներ, այդ թվում՝ «մեֆեդրոն», «մեթադոն» և «ալֆա-ՊՎՊ»։

Ոստիկանությունը մեղադրյալներից մեկի տնից առգրավել է նաև թմրամիջոցների փաթեթավորման համար անհրաժեշտ նյութեր։ Հետաքննությունը շարունակվում է Քրեական օրենսգրքի 260-րդ և 260-4 հոդվածներով։

Հանցագործությունները պատժվում են մինչև 20 տարի կամ ցմահ ազատազրկմամբ։