Վրաստանի ներքին գործերի նախարարության Քվեմո Քարթլիի ոստիկանության վարչության քննչական բաժնի աշխատակիցները, օպերատիվ միջոցառումների և քննչական գործողությունների արդյունքում, բռնացրել են 1946 թվականին ծնված Ա.Վ.-ին՝ ծանրացուցիչ հանգամանքներում կանխամտածված սպանության մեղադրանքով։ Այս մասին հաղորդում է ՆԳՆ-ն։

Նախարարության տեղեկություններով՝ հանցագործությունը նախատեսում է 16-ից 20 տարվա ազատազրկում։

«Քննությամբ պարզվել է, որ Բոլնիսի շրջանի մի գյուղում, սեփական բնակարանում, մեղադրյալը ընտանեկան վիճաբանության հողի վրա սառը զենքի կիրառմամբ մահացու վնասվածք է հասցրել իր կնոջը՝ 1950 թվականին ծնված Է.Թ.-ին։

Կատարված քննչական գործողությունների արդյունքում իրավապահները մեղադրյալին բերման են ենթարկել հանցանքի կատարումից անմիջապես հետո։ Ոստիկանությունը հանցագործության գործիքը՝ դանակը, առգրավել է որպես ապացույց։

Քննությունը շարունակվում է Վրաստանի քրեական օրենսգրքի 109-րդ հոդվածով», – ասված է ՆԳՆ-ի տարածած հայտարարության մեջ։