Ուկրաինայի նախագահ Վոլոդիմիր Զելենսկին հայտարարել է, որ Ռուսաստանի հետ բանակցությունները դեռևս անհնարին են։ Ուկրաինայի նախագահի վարչակազմի հաղորդմամբ, Զելենսկին այս մասին ասել է «Յալթայի եվրոպական ռազմավարության» 17-րդ համաժողոի ժամանակ։

«Մենք ցանկանում ենք ավարտել պատերազմը, բայց տարածքն ու հնարավորությունները փոխվել են։ Հասարակությունը չի ցանկանում խոսել ահաբեկիչների հետ: Այնուամենայնիվ, կարելի է խոսել նույնիսկ ահաբեկիչների հետ, քանի որ նրանք գիտեն, թե ինչ են ուզում»,- ասել է Զելենսկին։

Զելենսկին ընդգծել է, որ ռուսական կողմի դեպքում ինքը վստահ չէ, որ նրանք կկատարեն իրենց խոստումները։ Ինչպես նշել է Ուկրաինայի նախագահը, նախ անհրաժեշտ է, որ Ռուսաստանի Դաշնությունը լքի Ուկրաինայի տարածքները և դադարի իրեն ահաբեկչի պես պահել, իսկ հետո հնարավոր կլինի խոսել դիվանագիտության մասին։

«Որպեսզի մենք իրենց հետ դիվանագիտական ​​միջանցք բացենք, նրանք պետք է մեզ քաղաքական կամք ցույց տան, որ պատրաստ են վերադարձնել օտար հողը։ Այդ ժամանակ մենք կկարողանանք խոսել գոնե մի քանի միջանցքների մասին, որոնք որոշակի դիվանագիտական ​​քայլեր են բացում»,- ասել է Վոլոդիմիր Զելենսկին։