Վոլոդիմիր Զելենսկի. Ուկրաինայում ընտրությունները տեղի կունենան պատերազմի ավարտից և երկրում ռազմական դրության վերացումից հետո
Ուկրաինայի նախագահ Վոլոդիմիր Զելենսկու խոսքով՝ Ուկրաինայում ընտրությունները տեղի կունենան պատերազմի ավարտից և երկրում ռազմական դրության վերացումից հետո, և ոչ ոք միտումնավոր չի հետաձգի այդ գործընթացը։
«Պատերազմի ավարտից հետո ռազմական դրությունը կհանվի: Ռազմական դրության չեղարկումից հետո ընտրությունները կանցկացվեն ուկրաինական օրենսդրության համաձայն»,- նշել է Զելենսկին։
Վոլոդիմիր Զելենսկու խոսքով՝ 30-օրյա հրադադարի ընթացքում իրենք կաշխատեն պատերազմին վերջնականապես վերջ տալու ծրագրի վրա։
«Ուկրաինական կողմի անվտանգության երաշխիքներով փուլային ծրագիր: Եթե այս ամենն արվի, ապա նման պլան պատրաստելուց հետո, ամեն դեպքում, այն կիրականացվի փուլերով, ինչը մեզ կտանի դեպի պատերազմի ավարտ»,- ասել է Զելենսկին։