Ոչ մի կուսակցություն չի կարող կախված լինել ոչ «Վրացական երազանքից», ոչ «Ազգային շարժումից» կամ որևէ այլ կուսակցությունից, յուրաքանչյուր կուսակցություն ունի իր տեսլականը. Կախա Կալաձե
Ոչ մի կուսակցություն չի կարող կախված լինել ոչ «Վրացական երազանքից», ոչ «Ազգային շարժումից» կամ որևէ այլ կուսակցությունից, յուրաքանչյուր կուսակցություն ունի իր տեսլականը,- այս մասին հայտարարել է Թբիլիսիի քաղաքապետ, «Վրացական երազանքի» գլխավոր քարտուղար՝ Կախա Կալաձեն:
Այս մեկնաբանությամբ նա պատասխանել է լրագրողի այն հարցին, թե հնարավոր է չորս կուսակցությունների կողմից առանձին միություն ստեղծվի:
«Յուրաքանչյուր կուսակցություն ունի իր տեսլականը, կարծիքը, իհարկե, ոչ մի կուսակցություն չի կարող կախված լինել «Վրացական երազանքից», ոչ էլ «Ազգային շարժումից» կամ այլ կուսակցություններից: Յուրաքանչյուր կուսակցություն ունի իր տեսլականը և շատ կարևոր է մեր երկրի համար, ժողովրդավարության զարգացման համար, այն, որ կայանա համագործակցությունը: Դա միայն ողջունելի է»,- հայտարարել է Կախա Կալաձեն:
Հիշեցնենք, որ «Եվրոպական Վրաստանի» առաջնորդ Դավիթ Բաքրաձեն ասել էր, որ այսօր քաղաքական խորհրդակցություններ են անցկացվել ընդդիմադիր չորս կուսակցությունների միջև: Ըստ Բաքրաձեի, այդ կուսակցություններն են. «Եվրոպական Վրաստանը», «Գիրչին», «Լելոն» և «Ռազմավարություն Աղմաշենեբելին»: