Նախ ուզում եմ շնորհավորել մեր հերոս վետերաններին, այսօր՝ մայիսի 9-ին, ֆաշիզմի վրա տարած հաղթանակի 77-րդ տարեդարձի կապակցությամբ, ցանկանում եմ իմ հարգանքը հայտնել մեր հերոս վետերաններին, ովքեր մասնակցել են Երկրորդ համաշխարհային պատերազմին,- այս մասին Վրաստանի վարչապետ Իրակլի Ղարիբաշվիլին հայտարարել է՝ Վետերանների մշակույթի և հանգստի այգում, որտեղ նախարարների կաբինետի անդամների հետ հարգանքի տուրք է մատուցել Երկրորդ համաշխարհային պատերազմում զոհվածների հիշատակին։

Կառավարության ղեկավարը ծաղկեպսակ է դրել Մելիտոն Քանթարիայի կիսանդրու մոտ, շնորհավորել Երկրորդ համաշխարհային պատերազմի վետերաններին ֆաշիզմի վրա տարած հաղթանակի 77-րդ տարեդարձի կապակցությամբ, շնորհակալություն հայտնել նրանց։

«Ինչպես գիտեք, վրացիները մեծ ներդրում և վաստակ ունեն այս պատերազմում հաղթելու մեջ։ Իհարկե, ևս մեկ անգամ ուզում եմ հարգանքի տուրք մատուցել մեր հերոսներին, ովքեր իրենց զոհաբերեցին հանուն աշխարհի ավելի լավ ապագայի, և մեր՝ վրացիներիս մեծ վաստակն է այս պատերազմում հաղթելը։ Ուզում եմ շնորհավորել ձեզ մայիսի 9-ի կապակցությամբ և բոլորիդ մաղթել հաղթանակ և խաղաղություն»,- ասել է վարչապետը։