ՈւԵՖԱ-ի նախագահ Ալեքսանդր Չեֆերինը Վրաստանի վարչապետ Իրակլի Կոբախիձեին հրավիրել է մասնակցելու Գերմանիայում կայանալիք Եվրոպայի 2024 թվականի առաջնությանը: Այս մասին տեղեկություն է տարածում կառավարության աշխատակազմի մամուլի ծառայությունը։

Ալեքսանդր Չեֆերինի պաշտոնական նամակում նշվում է, որ Իրակլի Կոբախիձեի ներկայությունը Վրաստանի կողմից անցկացվող հանդիպումներին կլինի այս արժեքներին հավատարմության հաստատում, որոնք արտացոլված են մրցաշարի կարգախոսում՝ «Միասնություն ֆուտբոլում». Միասնություն Եվրոպայի սրտում»:

«Ձերդ գերազանցություն, ես շատ ուրախ եմ, որ հնարավորություն ունեմ ՈՒԵՖԱ-ի անունից հրավիրելու ձեզ ներկա գտնվելու Եվրո 2024-ի առաջնությանը ՈՒԵՖԱ-ի VIP ծրագրի շրջանակներում։ Մրցաշարը, որը կորոշի Եվրոպայի տղամարդկանց 17-րդ չեմպիոն թիմին, կանցկացվի հունիսի 14-ից հուլիսի 14-ը հյուրընկալող 10 քաղաքներում։ Դրան կմասնակցեն ֆուտբոլասերներ ամբողջ Եվրոպայից։ ՈՒԵՖԱ-ի Եվրոպայի առաջնությունը միշտ ավելին է, քան պարզապես առաջնությունը: Այն բարձրակարգ, թիմային խաղի և ֆուտբոլի միավորող ուժի տոն է: Ձեր մասնակցությունը Վրաստանի կողմից անցկացվող հանդիպումներին կլինի այս արժեքներին ձեր հավատարմության և մեր ընդհանուր համոզմունքի հաստատումը, որն արտացոլված է մրցաշարի կարգախոսում՝ «Միասնություն ֆուտբոլում. Միասնություն Եվրոպայի սրտում»: Անհամբեր սպասում եմ ձեզ Գերմանիայում հյուրընկալելու հնարավորությանը: Հուսով եմ՝ միասին ականատես կլինենք այս պատմական իրադարձությանը»,- ասված է ՈւԵՖԱ-ի նախագահի պաշտոնական հրավերի մեջ։