Արտաքին գործերի նախարարության կազմակերպմամբ, Վրաստանի շուրջ 40 քաղաքացիներ ցամաքային ճանապարհով Ռումինիայից վերադարձել են Վրաստան։ Այսօր Վրաստանի ևս 50 քաղաքացի  դուրս կբերվի Ռումինիայից, այս շաբաթ նախատեսվում է նաև քաղաքացիների կազմակերպված տարհանում Լեհաստանից, որտեղից պետության օգնությամբ հայրենիք կվերադառնա Վրաստանի 150 քաղաքացի։

Գերատեսչության տվյալներով՝ տեղի է ունենում նաև քաղաքացիների կազմակերպված տարհանում Ուկրաինայի տարածքից նրա հարևան երկրներ, մասնավորապես ավտոբուսով Լվովից Վարշավա։

«Լրացուցիչ չվերթներ կիրականացվեն մարտի 15-ին և 16-ին, մինչ այժմ պետության ջանքերով Լվովից Վարշավա է տարհանվել Վրաստանի 500 քաղաքացի։ Օդեսայից քաղաքացիների կազմակերպված տարհանումն իրականացնում է Վրաստանի գլխավոր հյուպատոսությունը։

Ուկրաինայից տարհանված Վրաստանի քաղաքացիներին սահմաններում առաջին օգնությունը ցուցաբերում են Վրաստանի դեսպանատները, որից հետո ուղարկում են Վրաստան։

Վրաստանի կառավարության կարգադրությամբ, Ուկրաինայում Վրաստանի դեսպանատունը, Օդեսայում գլխավոր հյուպատոսությունը և Լվովում հյուպատոսական կետը շարունակում են արտակարգ ռեժիմով աշխատել և աջակցել Վրաստանի քաղաքացիներին։ Նաև Վրաստանի դիվանագիտական ​​ներկայացուցչությունները Ուկրաինայի սահմանակից երկրներում՝ Ռումինիայում, Լեհաստանում, Մոլդովայում, Սլովակիայում և Հունգարիայում, աշխատում են արտակարգ ռեժիմով։

Ուկրաինայից քաղաքացիներին տեղափոխում են հարևան երկրներ, ապա ուղարկում Վրաստան։ Այս պահի դրությամբ Ուկրաինայից տարբեր երկրների միջոցով պետության օգնությամբ Վրաստան է վերադարձել շուրջ 1600 քաղաքացի»,- հայտնել են Վրաստանի ԱԳ նախարարությունից։