Ուկրաինայի զինված ուժերի տեղեկությամբ, հատուկ նշանակության ուժերը շարքից հանել են օկուպացված Ղրիմում Ռուսաստանի բանակի լոգիստիկ օբյեկտները։

Մասնավորապես, ինչպես հայտնում են Ուկրաինայի զինված ուժերի մամուլի ծառայությունից, հատուկ նշանակության ուժերը ժամանակավորապես օկուպացված Ղրիմում իրականացրել են հատուկ գործողություններ, որոնց արդյունքում շարքից դուրս են բերվել լոգիստիկ օբյեկտներ, որոնք ապահովում էին ռուսական բանակի ստորաբաժանումների գործունեությունն ու մատակարարումը։

Զինված ուժերի հայտարարության մեջ չի հստակեցվում, թե որ օբյեկտներն են դարձել հատուկ նշանակության ուժերի թիրախ, սակայն սոցիալական ցանցերում տարածված տեղեկությունների համաձայն՝ խոսքը հարվածների մասին է Ջանկոյում և Կրասնոգվարդեյսկում գտնվող երկաթուղային ենթակառուցվածքներին։