Ուկրաինայի զինված ուժերը հայտարարել են ուկրաինացի հատուկ նշանակության ջոկատի էլիտար մարտիկների մահվան մասին
Ուկրաինայի զինված ուժերը հայտարարել են ուկրաինացի հատուկ նշանակության ջոկատի էլիտար մարտիկների մահվան մասին։
Ուկրաինայի Զինված ուժերի հատուկ գործողությունների ուժերը հայտարարել են, որ փետրվարի 28-ի գիշերը զոհվել են 73-րդ ռազմածովային հատուկ գործողությունների կենտրոնի զինծառայողներ։
Ուկրաինայի զինված ուժերի գլխավոր շտաբի տեղեկատվության համաձայն՝ «ուկրաինացի մարտիկները զոհվել են հատուկ առաջադրանքը կատարելուց հետո հիմնական խմբի ելքը ապահովելու ժամանակ»։
Մինչդեռ ռուսական Telegram-ի ալիքները պնդում են, որ ուկրաինական հատուկ ջոկատայինները փորձել են վայրէջք կատարել Խերսոնի մարզում, և որ առնվազն 20 ուկրաինացի զինծառայող է զոհվել ռուս զինվորների հետ բախումների ժամանակ։
Ինչպես հաղորդում է «BBC»–ի ռուսալեզու ծառայությունը, ուկրաինական հատուկ ջոկատայինները պատրաստվում էին շարժվել դեպի Սև ծովում գտնվող Խերսոնի մարզի ափամերձ կղզի, որը գրավելու դեպքում ուկրաինացիներին թույլ կտա հարվածել Խերսոնի մարզի հատվածին, որը մինչ այժմ օկուպացված է եղել Ռուսաստանի կողմից, ինչպես նաև Ղրիմի թերակղզու հյուսիս-արևմուտքը։