Ուկրաինայի պաշտպանության փոխնախարար. Առաջնագիծը շատ լայն է և անցնում է 2500 կիլոմետր Ուկրաինայի տարածքում, որից 1300 կիլոմետրում շարունակվում են ակտիվ ռազմական գործողությունները։
Ռազմաճակատի գիծը շատ լայն է և անցնում է 2500 կիլոմետր՝ Ուկրաինայի տարածքում, որից 1300 կիլոմետրում շարունակվում են ակտիվ մարտական գործողությունները,- ասել է Ուկրաինայի պաշտպանության փոխնախարար Աննա Մալյարը։
Ուկրաինայի պաշտպանության նախարարության տեղեկատվության համաձայն՝ ճակատում իրադարձությունները զարգանում են ըստ պլանի, և երկրի զինվորականները որոշակի ոլորտներում հաջողության են հասնում։
Ուկրաինական լրատվամիջոցը գրում է, որ ռուսական բանակի 83-րդ օդադեսանտային գրոհային բրիգադը Խերսոնի ուղղությամբ կորցրել է կրակային ուժի 40 տոկոսը և կենդանի ուժի 30 տոկոսը և շարժվել դեպի Դնեպրի ձախ ափ։
Ուկրաինական ավիացիան 12 հարված է հասցրել ռուսական օկուպացիոն ուժերին, որոնք ուղղված են եղել կենդանի ուժի, ռազմական և հատուկ տեխնիկայի, ինչպես նաև հակառակորդի ռազմական օբյեկտների ոչնչացմանը։
Ուկրաինայի բանակի գլխավոր շտաբի տվյալներով՝ անցած օրվա ընթացքում ռուսական օկուպացիոն ուժերը 14 հրթիռային և ավելի քան 15 օդային հարվածներ են հասցրել Ուկրաինայի տարածքում գտնվող ռազմական և քաղաքացիական օբյեկտներին։ Տեղեկություններ կան Խարկովի և Սումիի շրջանների ռմբակոծության մասին։