Ուկրաինայի կառավարությունը անհեթեթ է անվանում Ռուսաստանի արտաքին հետախուզության ծառայության հայտարարությունը, ըստ որի՝ Մեծ Բրիտանիան և Ֆրանսիան պատրաստվում են միջուկային զենք փոխանցել Ուկրաինային։

«Ռուս պաշտոնյաները, որոնք հայտնի են իրենց տպավորիչ ստի պատմությամբ, կրկին փորձում են հորինել հին «կեղտոտ ռումբի» անհեթեթությունը։ Մենք կոչ ենք անում միջազգային հանրությանը մերժել և դատապարտել Ռուսաստանի «կեղտոտ տեղեկատվական ռումբերը», – ասել է Ուկրաինայի արտաքին գործերի նախարարության մամուլի խոսնակ Գեորգի Տիխին։

Ձեր տեղեկության համար՝ Ռուսաստանի արտաքին հետախուզության ծառայությունը հայտարարել է, որ Մեծ Բրիտանիան և Ֆրանսիան պատրաստվում են միջուկային զենք փոխանցել Ուկրաինային։ Նրանց խոսքով՝ Լոնդոնն ու Փարիզը ցանկանում են թաքցնել միջուկային զենքի փոխանցումը Կիևին և հայտարարել, որ Կիևն ինքն է ստեղծել այն։ Ռուսաստանի Դաշնության Անվտանգության խորհրդի փոխնախագահ Դմիտրի Մեդվեդևը հայտարարել է, որ եթե Ֆրանսիան և Մեծ Բրիտանիան միջուկային զենք փոխանցեն Ուկրաինային, Ռուսաստանը միջուկային հարված կհասցնի Լոնդոնին և Փարիզին։ Նա նաև ասել է, որ անհրաժեշտության դեպքում Ռուսաստանը միջուկային զենք կօգտագործի այն մատակարարող երկրների դեմ, քանի որ նրանք կդառնան հակամարտության կողմեր։ Մեծ Բրիտանիայի կառավարությունը Ռուսաստանի մեղադրանքը անվանել է ստ։