Ռուսական ուժերը հարձակում են սկսել Ուկրաինայի Խարկովի մարզի Բալակլավա քաղաքի վրա, որի հետևանքով զոհվել է առնվազն երեք մարդ: Ուկրաինական լրատվամիջոցները հայտնել են, որ տաս մարդ վիրավորվել է, այդ թվում՝ երեք երեխա։

«Եվս տասը մարդ վիրավորվել է, այդ թվում՝ երեք երեխա: Վիրավորներից ինը տեղափոխվել են հիվանդանոց, իսկ մեկը ստանում է ամբուլատոր բուժում: Ցավոք, վիրավորների թիվը կարող է աճել», – ասել է Ներքին գործերի նախարարության խոսնակ Վիտալի Կարաբանովը։

Բացի այդ, ուկրաինական լրատվամիջոցները հայտնել են, որ ռուսական ուժերը անօդաչու թռչող սարք են օգտագործել Խերսոնում շտապօգնության մեքենայի վրա հարձակվելու համար, որի հետևանքով վիրավորվել են վարորդը և բժիշկը։

«Թշնամին անօդաչու թռչող սարքի միջոցով հարձակվել է շտապօգնության անձնակազմի վրա: Վարորդը ստացել է պայթյունի վերք և բեկորներ երկու ոտքերում: Շտապօգնության աշխատակիցը ստացել է ուղեղի ցնցում, պայթյունի վերք և փակ գլխի վնասվածք», – գրել են ուկրաինական լրատվամիջոցները։