Ուկրաինացիները ռմբակոծել են Խերսոնի շրջանում ռուսների կողմից գրավված Չեռնոբաևկա օդանավակայանը
Ուկրաինացիները ռմբակոծել են Խերսոնի շրջանում ռուսների կողմից գրավված Չեռնոբաևկա օդանավակայանը։ Տեղեկությունը տարածում են ուկրաինական լրատվամիջոցները։
ԶԼՄ-ների տվյալներով՝ առնվազն երեք հրթիռային հարված է հասցվել Չեռնոբաևկա օդանավակայանի ուղղությամբ։ Միաժամանակ սոցիալական ցանցերում լուսանկարներ են տարածվում, որոնք ցույց են տալիս, որ օդանավակայանի տարածքից ծուխ է բարձրանում։
Ինչպես գրում են լրատվամիջոցները, ռուսներն օգտագործում են Չեռնոբաևկա օդանավակայանը որպես հրամանատարական կետ, ինչպես նաև ուղղաթիռների և ինքնաթիռների համար։
Ուկրաինացիները վերջին մի քանի շաբաթվա ընթացքում փորձում են ազատագրել օկուպացված Խերսոնի շրջանը։
Ինչպես նշում է օկուպացված շրջանի վարչակազմի ներկայացուցիչը, չնայած ուկրաինացիների հաջողություններին, Խերսոնի մարզում դեռևս զգալի թվով ռուսական զինված ուժեր կան։