Ուկրաինայի պաշտպանության նախարարությունում հայտարարում են, որ «Starshield»-ը ճակատում այժմ էլ խափանումներով է աշխատում
Ուկրաինայի պաշտպանության նախարարությունում հայտարարում են, որ «Starshield»-ը («Starlink»-ի ռազմական տարբերակը) ճակատում այժմ էլ խափանումներով է աշխատում։ Այս մասին տեղեկությունը տարածում են ուկրաինական լրատվամիջոցները։
Պարբերականի աղբյուրների փոխանցմամբ՝ պաշտպանության ուժերն ու պաշտպանության նախարարության մասնագետները մշտապես հետևում են «Starshield»-ի գծերի աշխատանքին և արձանագրում արդյունքները։
«Առավոտյան դրությամբ ևս շարունակվում են կապի կորստի դեպքերը 161 կմ/ժ արագության վրա։ Հաստատումն այն բանի, որ սահմանափակումները հանված են, դեռևս չկա», – նշում են աղբյուրները։
Ի գիտություն՝ ԱՄՆ նախագահ Դոնալդ Թրամփը հայտարարել էր, որ Իլոն Մասկը Ուկրաինայի համար վերականգնել է «Starlink»-ի հասանելիությունը։ Ավելի վաղ «Wall Street Journal» պարբերականը տեղեկություն էր տարածել, որ Իլոն Մասկը հրամայել է դանդաղեցնել «Starlink»-ի ռազմական նշանակության տարբերակի աշխատանքը։ Խոսքը այն ծառայության մասին է, որն Ուկրաինան օգտագործում է Ռուսաստանի հրթիռային հարձակումներից պաշտպանվելու համար։
«Starshield»-ը Իլոն Մասկի «SpaceX» ընկերության «Starlink»-ի հետ կապված ուղղությունն է, որն ԱՄՆ-ի և նրա դաշնակից երկրների կառավարությունների համար ստեղծում է ռազմական նշանակության արբանյակներ և անվտանգ կապի համակարգեր։