Ուկրաինայի նախագահի աշխատակազմի ղեկավարը և էկոնոմիկայի նախարարն այսօր բանակցություններ կվարեն ամերիկացի գործընկերների հետ
Ուկրաինայի նախագահի աշխատակազմի ղեկավար Անդրեյ Երմակը և էկոնոմիկայի նախարար Յուլիա Սվիրիդենկոն այսօր բանակցություններ կվարեն իրենց ամերիկացի գործընկերների հետ։ Այս մասին Էրմակը հայտնել է «Ուկրաինա. «2025» համաժողովի ժամանակ։
Լրագրողի այն հարցին, թե ինչի շուրջ են բանակցությունները, Երմակը պատասխանել է, որ սա ԱՄՆ-ի հետ բանակցությունների հերթական փուլն է։
«Սա մեր ամերիկացի գործընկերների հետ բանակցությունների հերթական փուլն է։ Ուստի նախապես ներողություն ենք խնդրում ֆորումից այդքան արագ լքելու համար»,- նշել է Երմակը։
Ինչպես հաղորդում են ուկրաինական լրատվամիջոցները, հաշվի առնելով, որ բանակցություններին կմասնակցի էկոնոմիկայի նախարարը, քննարկումը, ամենայն հավանականությամբ, կվերաբերի օգտակար հանածոների վերաբերյալ համաձայնագրին։