Ուկրաինայի համար Եվրոմիությանը անդամակցելու կարճ ճանապարհ չկա, եթե մենք ներդրումներ անենք և դրանց հարմարեցնենք բարեփոխումները, ապա դա ճանապարհ կհարթի դեպի Եվրամիություն. ՈՒրսուլա Ֆոն Դեր Լայեն
Եվրահանձնաժողովի նախագահ Ուրսուլա Ֆոն Դեր Լայենն ասում է, որ բարեփոխումների հետ մեկտեղ պետք է ներդրումներ կատարվեն Ուկրաինայի վերականգնման համար։ Այս մասին Եվրահանձնաժողովի նախագահը հայտարարել է Եվրախորհրդարանի լիագումար նիստում ունեցած ելույթի ժամանակ։
Ուրսուլա Ֆոն Դեր Լեյենի խոսքով՝ Ուկրաինայի համար Եվրամիությանը անդամակցելու կարճ ճանապարհ չկա, սակայն եթե ներդրումները զուգակցվեն բարեփոխումների հետ, ապա դա ճանապարհ կհարթի դեպի Եվրամիություն։
Եվրահանձնաժողովի նախագահը նաև նշել է, որ Եվրամիությունը ուսումնասիրում է Ռուսաստանին իր հանցագործությունների համար պատասխանատվության ենթարկելու իրավական ուղիները։
«Ուկրաինայի վերակառուցման մեջ ներդրումները պետք է ուղեկցվեն բարեփոխումներով, բարելավել երկրի վարչական կարողությունները, պայքարել կոռուպցիայի դեմ, ապահովել դատական համակարգի անկախությունը, բարենպաստ պայմաններ ապահովել բիզնեսի համար։ Մենք արդեն շատ բան ենք արել Ուկրաինայի հետ և շատ բան գիտենք միմյանց մասին։ Մենք միասին բարեփոխումներ ենք իրականացրել, օրինակ՝ հողային բարեփոխումներ, բարեփոխումներ՝ օլիգարխներին հեռացնելու համար, շատ բան է արվել Ասոցացման համաձայնագրով և Խորը և համապարփակ ազատ առևտրի համաձայնագրով։ Ունենք նաև ընդհանուր էլեկտրական համակարգեր։ Վերջապես, կարևոր ազդանշանն այն է, որ Ուկրաինայի համար կարճ ճանապարհ չկա, պայմանները պետք է կատարվեն, բայց եթե մենք ներդրումներ կատարենք և համատեղենք բարեփոխումների հետ, դա ճանապարհ կհարթի դեպի Եվրամիություն։
Ի վերջո, ես կասեի, որ մեղավորը՝ Ռուսաստանը, պետք է վճարի իր արդար բաժինը։ Ուրեմն մենք սովորում ենք դրա իրավական հիմքերը»,- ասել է Ուրսուլա Ֆոն Դեր Լեյենը։