Ուկրաինան ցանկանում է, որ Թուրքիան լինի այն երկրների թվում, որոնք Ուկրաինային անվտանգության երաշխիքներ են առաջարկում Ռուսաստանի հետ հրադադարի ցանկացած համաձայնագրում. Դմիտրո Կուլեբա
Ուկրաինան ցանկանում է, որ Թուրքիան լինի այն երկրների թվում, որոնք Ուկրաինային անվտանգության երաշխիքներ են առաջարկում Ռուսաստանի հետ հրադադարի ցանկացած համաձայնագրում,- այս մասին իր թուրք գործընկերոջ հետ ճեպազրույցում հայտարարել է Ուկրաինայի արտգործնախարար Դմիտրո Կուլեբան:
Ըստ Կուլեբայի, Թուրքիան փորձում է նաև ուղիղ բանակցություններ կազմակերպել Ուկրաինայի և Ռուսաստանի նախագահների միջև։
Մևլութ Չավուշօղլուն, իր հերթին, հույս է հայտնել, որ Մարիուպոլում անհապաղ զինադադար կհաստատվի մարդասիրական նպատակներով, որտեղ 100-ից ավելի Թուրքիայի քաղաքացիներ են մնացել։ Չավուշողլուն պատրաստակամություն է հայտնել ևս մեկ անգամ հյուրընկալել Ուկրաինայի և Ռուսաստանի արտաքին գործերի նախարարներին։
Ուկրաինայի և Թուրքիայի դիվանագետների հանդիպումը կայացել է Լվովում։ Ավելի ուշ Կուլեբան սոցիալական ցանցերում գրել է, որ Թուրքիայի համերաշխությունն Ուկրաինայի հանդեպ մնում է անսասան: