Վլադիմիր Զելենսկին Անջեյ Դուդային պարգևատրել է Ազատության շքանշանով
Ուկրաինայի նախագահ Վլադիմիր Զելենսկին իր լեհ գործընկեր Անջեյ Դուդային պարգևատրել է Ազատության շքանշանով։ Ուկրաինայի նախագահի համապատասխան հրամանագիրը հրապարակվել է այսօր։
Փաստաթղթում նշվում է, որ պարգևը Լեհաստանի նախագահին է հանձնվել «ուկրաինա-լեհական միջազգային համագործակցության ամրապնդման, ինչպես նաև Ուկրաինայի պետական ինքնիշխանության և տարածքային ամբողջականության աջակցության գործում ունեցած ակնառու անձնական վաստակի համար»։
Անջեյ Դուդան այսօր Կիևում է պաշտոնական այցով, որը նրա վերջինն է նախագահի պաշտոնում։
«Այս ուղևորությունը ինձ համար հրաժեշտի պահ է և ավարտում է իմ կյանքի և նախագահական ծառայության կարևոր շրջանը։ Ես միշտ աջակցել եմ Ուկրաինայի նախագահին նրա պայքարում», – ասել է Կիևում գտնվող Անջեյ Դուդան։