Վլադիմիր Զելենսկի. Եթե մեզ հասանելի լիներ այն բոլոր զենքերը, որոնք մեր գործընկերներն ունեն և մեզ հիմա պետք է, արդեն կավարտեինք այս պատերազմը
Եթե մեզ հասանելի լիներ բոլոր այն զենքերը, որոնք ունեն մեր գործընկերները, որոնք համեմատելի են Ռուսաստանի Դաշնության կողմից օգտագործվող զենքերի հետ, մենք արդեն ավարտած կլինեինք այս պատերազմը, – ասել է Ուկրաինայի նախագահ Վլադիմիր Զելենսկին։
Ուկրաինայի նախագահի խոսքով՝ պատշաճ սպառազինման դեպքում երկրի ռազմական ուժերն արդեն ազատագրած կլինեին տարածքն ու կվերականգնեին խաղաղությունը, քանի որ մարտավարության ու իմաստության մեջ ուկրաինացի զինվորականների գերազանցությունը միանգամայն ակնհայտ է։
Զելենսկու խոսքով՝ Ռուսաստանի Դաշնությունը իր զորքերի գրեթե բոլոր մարտական ստորաբաժանումները կենտրոնացրել է Ուկրաինայի տարածքում և իր սահմանների երկայնքով։
«Ես ընդգծում եմ պարզ ճշմարտությունը դեմոկրատական աշխարհի առաջնորդների մոտ, բոլոր բանակցություններում, բոլոր հարցազրույցներում, գրեթե բոլոր շփումներում. անարդար է, որ Ուկրաինան դեռ ստիպված է խնդրել այն, ինչ իր գործընկերները տարիներ շարունակ պահեստներում կուտակել են: Եթե նրանք ունեն այն զենքը, որն այստեղ անհրաժեշտ է Ուկրաինային, այն, ինչ մեզ հիմա պետք է, եթե նրանք ունեն զինամթերք, որը մեզ անհրաժեշտ է այստեղ և հիմա, ապա նրանց բարոյական պարտքն է, առաջին հերթին, օգնել պաշտպանել ազատությունը: Օգնեք հազարավոր ուկրաինացիների կյանքին։ Եթե պատերազմի առաջին շաբաթում ստանայինք այն, ինչ հիմա ստանում ենք, վստահ եմ, դա ավելի մեծ օգուտ կլիներ Ուկրաինայի և Եվրոպայի ազատության համար։ Եվ եթե մենք հիմա ստանանք այն, ինչ որոշ գործընկերներ նախատեսում են փոխանցել Ուկրաինային առաջիկա շաբաթների ընթացքում, դա հազարավոր կյանքեր կփրկի: Ռուսական զորքերի կրակի ինտենսիվությունը Խարկովի, Դոնբասի և Դնեպրոպետրովսկի շրջանի ուղղությամբ զգալիորեն աճել է։ Բնակավայրերը կրկին նորմալ թիրախ են համարում։ Այս պատերազմում ռուսական բանակը ընդմիշտ կմնա համաշխարհային պատմության մեջ՝ որպես աշխարհի ամենաբարբարոս և անմարդկային բանակ», – ասել է Զելենսկին։