Վլադիմիր Զելենսկի. Ես կցանկանայի շնորհակալություն հայտնել Գերմանիային, նրանք վերջերս մեզ նվիրեցին երկու Patriot համակարգեր
Գերմանիան Ուկրաինային տրամադրում է երկու «Պատրիոտ» տեսակի ՀՕՊ հրթիռային համակարգ։ Այս մասին հայտարարել է Ուկրաինայի նախագահ Վոլոդիմիր Զելենսկին ԵՄ ընդլայնման գագաթնաժողովին ուղղված առցանց ելույթի ժամանակ։
«Ցանկանում եմ շնորհակալություն հայտնել Գերմանիային։ Նրանք վերջերս մեզ նվիրեցին երկու «Պատրիոտ» համակարգ, և մենք տիրապետում ենք դրանց օգտագործման հմտություններին», – ասել է Զելենսկին։
Նա նշել է, որ Ռուսաստանը ձախողվում է ռազմաճակատում, ինչի պատճառով Կրեմլի ղեկավարությունը սկսել է էներգետիկ ճնշման նոր արշավ՝ փորձելով թուլացնել Ուկրաինան։
Ուկրաինական լրատվամիջոցների փոխանցմամբ՝ նոյեմբերի 2-ին Զելենսկին հայտարարել էր, որ Ուկրաինան ուժեղացրել է իր հակաօդային պաշտպանության «Պատրիոտ» համակարգի բաղադրիչները։