Ռուսաստանը իսկապես ցանկանում է, որ Ուկրաինան սխալներ թույլ տա, բայց մեր կողմից սխալներ չեն լինի, ասել է Ուկրաինայի նախագահ Վլադիմիր Զելենսկին։

Նա ասել է, որ նախագահական վարչակազմի նոր ղեկավարի վերաբերյալ խորհրդակցությունները կկայանան վաղը։

«Ես չեմ ուզում, որ որևէ մեկը հարցեր ունենա Ուկրաինայի վերաբերյալ։ Մենք կայացրել ենք հետևյալ որոշումները։ Ուկրաինայի նախագահի վարչակազմում փոփոխություններ կլինեն։ Վարչակազմի ղեկավար Անդրեյ Երմակը հրաժարականի դիմում է գրել։ Ես շնորհակալ եմ Անդրեյին, քանի որ նա բանակցությունների ժամանակ միշտ ներկայացրել է Ուկրաինայի դիրքորոշումը այնպես, ինչպես պետք է լիներ։ Դա միշտ եղել է հայրենասիրական դիրքորոշում։ Սակայն ես չեմ ուզում, որ լինեն լուրեր և ենթադրություններ։ Վաղը ես խորհրդակցություններ կանցկացնեմ նախագահական վարչակազմի նոր ղեկավարի վերաբերյալ։ Մեր աշխատանքը շարունակվում է, մեր պայքարը շարունակվում է։ Ռուսաստանը իսկապես ցանկանում է, որ Ուկրաինան սխալներ թույլ տա, մեր կողմից սխալներ չեն լինի։ Մենք իրավունք չունենք չշարունակելու։ Մենք իրավունք չունենք նահանջելու կամ փլուզվելու», – ասել է Զելենսկին։

Ձեր տեղեկության համար, Ուկրաինայի նախագահի վարչակազմի ղեկավար Անդրեյ Երմակը հրաժարական է տվել։ Այսօր Կոռուպցիայի դեմ պայքարի ազգային բյուրոն խուզարկություն է անցկացրել Անդրեյ Երմակի գրասենյակում: Նա ասել է, որ համագործակցում է իրավապահ մարմինների հետ և Կոռուպցիայի դեմ պայքարի բյուրոյի աշխատակիցներին «տան լիարժեք մուտք» է տվել: