Վլադիմիր Զելենսկի. Անարդար է, որ Ուկրաինան դեռևս ստիպված է խնդրել այն, ինչ իր գործընկերները տարիներ շարունակ պահել են պահեստներում
Անարդար է, որ Ուկրաինան դեռևս ստիպված է խնդրել այն, ինչ իր գործընկերները տարիներ շարունակ պահել են պահեստներում, – «Facebook»-ում գրել է Ուկրաինայի նախագահ Վլադիմիր Զելենսկին։
Ինչպես նշել է Զելենսկին, գործընկերների բարոյական պարտավորությունն է օգնել Ուկրաինային պաշտպանել իր ազատությունը և փրկել հազարավոր ուկրաինացիների կյանքը։
«Անարդար է, որ Ուկրաինան դեռ ստիպված է խնդրել այն, ինչ իր գործընկերները տարիներ շարունակ պահեստներում կուտակել են: Եթե նրանք ունեն այն զենքը, որն այստեղ անհրաժեշտ է Ուկրաինային, այն, ինչ մեզ հիմա պետք է, եթե նրանք ունեն զինամթերք, որը մեզ անհրաժեշտ է այստեղ և հիմա, ապա նրանց բարոյական պարտքն է, առաջին հերթին, օգնել պաշտպանել ազատությունը: Օգնեք հազարավոր ուկրաինացիների կյանքին», – գրել է Ուկրաինայի նախագահը: