Ռուսաստանի նախագահ Վլադիմիր Պուտինը հաստատել է, որ Պեկինում կայացած շքերթի ժամանակ ինքը և Չինաստանի առաջնորդ Սի Ցզինպինը քննարկել են մարդկանց կյանքի երկարացման հարցը։

Ռուսաստանի նախագահը այս հայտարարությունն արել է մամուլի ասուլիսի ժամանակ։

«Այս թեման բարձրացրել է Չինաստանի առաջնորդը։ Նույն թեման ժամանակին ակտիվորեն զարգացրել է նաև Իտալիայի նախկին վարչապետ Սիլվիո Բեռլուսկոնին։ Այո՛, օրգանների փոխարինման հետ կապված ժամանակակից միջոցները, առողջապահական և բժշկական միջոցները, նույնիսկ վիրաբուժականները, թույլ են տալիս մարդկությանը հույս ունենալ, որ ակտիվ կյանքը կտևի ոչ այնքան երկար, որքան այսօր է, և տարբեր երկրներում միջին տարիքը տարբեր է, բայց կյանքի տևողությունը զգալիորեն կերկարաձգվի», – ասել է Վլադիմիր Պուտինը։

Ավելի վաղ «Ռոյթերս» գործակալությունը հայտնել էր, որ Սի Ցզինպինը և Վլադիմիր Պուտինը, որոնք Պեկինում ռազմական շքերթ էին մեկնում, խոսել են կենսատեխնոլոգիայի, օրգանների փոխպատվաստման և մինչև 150 տարի ապրելու հնարավորության մասին։