Վլադիմիր Պուտինը հայտարարել է Ուկրաինայում մայիսի 9-11-ը հրադադարի մասին
Ռուսաստանի նախագահ Վլադիմիր Պուտինը Երկրորդ համաշխարհային պատերազմում հաղթանակի 80-ամյակի նախօրեին Ուկրաինայում հրադադար է հայտարարել։
Այս մասին հաղորդում է ռուսական «Իտար-Տասս» պետական գործակալությունը։
Պուտինի որոշմամբ՝ հրադադարը կսկսվի մայիսի 8-ի կեսգիշերից և կտևի մինչև մայիսի 11-ի կեսգիշերը։
Բացի այդ, Կրեմլը հաստատել է Ուկրաինայի հետ խաղաղության բանակցություններ վարելու իր պատրաստակամությունը՝ առանց նախապայմանների։
Ձեր տեղեկության համար, Պուտինը նաև 30-ժամյա հրադադար հայտարարեց Զատկի տոնի ժամանակ, սակայն, չնայած դրան, Ուկրաինան պնդում է, որ Ռուսաստանն ինքն է բազմիցս խախտել հրադադարը։ Մոսկվան պնդում էր հակառակը և մեղադրում էր Կիևին հրադադարի պայմանները խախտելու մեջ։ Ֆրանսիայի արտաքին գործերի նախարարը Պուտինի կողմից հայտարարված «Զատկական զինադադարը» անվանել է մարքեթինգային հնարք, որի նպատակն է ԱՄՆ նախագահ Թրամփին հաճոյանալը։