Վլադիմիր Պուտինը հաստատել է ռազմածովային նոր դոկտրին
Ռուսաստանի նախագահ Վլադիմիր Պուտինը հաստատել է ռազմածովային նոր դոկտրին ։ Ինչպես հայտնում են ռուսական լրատվամիջոցները, փաստաթղթի համաձայն, Ռուսաստանը իրավունք կունենա ռազմական ուժ կիրառել համաշխարհային օվկիանոսում ելնելով իր շահերից, երբ դիվանագիտական հնարավորությունները սպառվեն։
Բացի այդ, փաստաթղթում նշվում է, որ Ռուսաստանի ազգային անվտանգության գլխավոր մարտահրավերը համաշխարհային օվկիանոսում ԱՄՆ գերակայությունն է։
Դոկտրինայում նշվում է, որ ՆԱՏՕ-ի հետ հարաբերություններում հիմնարար գործոն է լինելու այն, որ դաշինքի ենթակառուցվածքի մոտեցումը Ռուսաստանի սահմաններին թույլ չի տրվում։