Վլադիմիր Պուտին. «Թալիբանը» վերահսկում է իշխանությունը երկրում և այս առումով նրանք մեր դաշնակիցներն են ահաբեկչության դեմ պայքարում
Ռուսաստանի նախագահը «Թալիբան» շարժումը դաշնակից է համարում ահաբեկչության դեմ պայքարում։ Տեղեկությունը տարածում է Ռոյթերս գործակալությունը։
Ռոյթերսի փոխանցմամբ՝ Պուտինն այդ հայտարարությունն արել է Աստանայում ունեցած ելույթի ժամանակ։
«Ընդհանուր առմամբ, պետք է թողնել այն փաստը, որ թալիբները վերահսկում են իշխանությունը երկրում, և այս տեսանկյունից նրանք, իհարկե, մեր դաշնակիցներն են ահաբեկչության դեմ պայքարում», – ասել է Պուտինը։
Վլադիմիր Պուտինի խոսքով, ցանկացած կառավարություն շահագրգռված է իր ղեկավարած իշխանության և պետության կայունությամբ։
«Վստահ եմ, որ թալիբները նույնպես շահագրգռված են, որ Աֆղանստանում ամեն ինչ խաղաղ լինի, և երկիրը ենթարկվի որոշակի կանոնների»,- ասել է Պուտինը։