Սթիվ Ուիթքոֆը պաշտպանում է իր նախագահին և երկրի դիրքորոշումը, – այս մասին հայտարարել է Ռուսաստանի նախագահ Վլադիմիր Պուտինը։

Պուտինի խոսքով՝ Ուիթքոֆի հետ երկխոսությունը հեշտ չէ, սակայն Ռուսաստանը վարում է այդ երկխոսությունը խելամիտ ձևով.

«Նա նախագահ Թրամփի վաղեմի ընկերն է։ Ամերիկացի քաղաքացի է, պաշտպանում է իր նախագահի և իր երկրի դիրքորոշումը։ այո՛, մենք երկխոսություն ունենք, որը հեշտ չէ։ այո՛, մենք դա վարում ենք առանց վիրավորանքի կամ գռեհիկ արտահայտությունների՝ ինչպես արժանապատիվ, խելացի մարդիկ», – ասել է Պուտինը։

Ինչ վերաբերում է «Բլումբերգ»-ի կողմից տարածված ձայնագրությանը Ուիթքոֆի և Յուրի Ուշակովի խոսակցությունից, Պուտինը նշել է, որ դա կարող է լինել կեղծիք կամ իրական խոսակցություն, որը գաղտնալսվել է.

«Սա Ռուսաստանում քրեական հանցագործություն է։ մեզ մոտ գաղտնալսում թույլատրելի չէ։ խնդիրը մեր մեջ չէ, այլ նրանում, թե ինչպես է ընթանում գաղափարների պայքարը հավաքական Արևմուտքի և ԱՄՆ-ի միջև՝ պատերազմը կանգնեցնելու անհրաժեշտ քայլերի շուրջ», – նշել է նա։

Նա նաև ավելացրել է, որ խոսակցությունները, թե Ռուսաստանը պատրաստվում է հարձակվել Եվրոպայի վրա, անհեթեթություն են.

«Ոմանք պարզապես խելքահան են լինում, երբ ասում են իրենց քաղաքացիներին, թե Ռուսաստանը պատրաստվում է հարձակվել Եվրոպայի վրա։ Դա բացահայտ սուտ է։ Նրանք պարզապես ծառայում են պաշտպանական արդյունաբերությանը կամ փորձում են բարձրացնել իրենց քաղաքական վարկանիշը», – ասել է Պուտինը։