Ավդեևկայի քաոսային անկումից հետո Ռուսաստանը կշարունակի առաջխաղացումը Ուկրաինայում, հայտարարել է ՌԴ նախագահ Վլադիմիր Պուտինը։

Պուտինի խոսքով՝ այն բանից հետո, երբ ուկրաինական զորքերը ստիպված են եղել փախչել Ավդեևկայից, Ռուսաստանը կշարունակի իր հաջող առաջխաղացումը դեպի Ուկրաինա։

ՌԴ նախագահի խոսքով՝ բոլոր գերի ընկած ուկրաինացի զինվորները պետք է ստանան իրենց իրավունքները ռազմագերիների մասին միջազգային կոնվենցիաներով։

«Ինչ վերաբերում է Ավդեեւկայի ընդհանուր իրավիճակին, ապա դա բացարձակ հաջողություն է, շնորհավորում եմ։ Դրա վրա պետք է կառուցել, բայց հետագա զարգացումը պետք է լավ նախապատրաստվի, ապահովվի անձնակազմով, զենքով, տեխնիկայով, զինամթերքով։ Թվում է, թե դա ինքնին հասկանալի է, բայց ես դեռ ձեր ուշադրությունն եմ հրավիրում այս խնդրի վրա»,- ասել է Պուտինը ՌԴ պաշտպանության նախարար Սերգեյ Շոյգուի հետ հանդիպման ժամանակ։